Kaugmaon sa mga Bisayista

Nagdako ko sa panahon nga sikat pa kaayo ang magasin nga Bisaya. Panahon sab kadto nga daghan pa ang mga bumabasa sa komiks. Ang mga nobela ug sugilanon, inubanan sa Binisaya nga komiks, usa sa hinungdan kun ngano nga ang Bisaya nahimong tipik sa kinabuhi sa mga tawo sa Kabisay-an ug Mindanao.

Apan dako na kaayo ang kausaban gikan niadto. Gamay na lang ang mobasa sa Bisaya ug napugos kini pag-usab sa iyang porma. Sa Cebu ang tag-as og sirkulasyon mao na ang mga Binisaya nga mantalaan sama sa Sun.Star Superbalita ug Banat news. Maayo na lang gani kay bukas kini sa mga tigsulat sa mga balak ug sugilanon.

Duna na say mga website sa internet nga nag-abli sa ganghaan alang sa mga Bisayista. Usa kini sa labing bag-ong kalamboan: ang paggamit sa teknolohiya aron ipalambo ang atong pinulongan. Ang problema lang kay dili pa kaayo hingpit ang atong paggamit sa internet, bisan kun nahimo na kini karon nga dapit diin ang mga Bisaya sa tibuok kalibutanan magkahimamat pag-usab.

Dunay mga sektor nga wa makauyon niining maong kalamboan. Ang mga karaan magsigi pa gihapon og handom sa maanindot nga nangagi diin ang pinulongang Binisaya nanganawkanaw sa nagkadaiyang mga natad sa media. Wa sila makasabot nga ania kita karon sa bag-ong panahon nga nagkinahanglan usab og bag-ong mga pamaagi.

Apan dunay uban nga nagsugod na pag-uswag sa unahan. Daghang mga magsusulat sa balak ug hamubong sugilanon ang nahimong kontributor sa Superbalita ug Banat. Nagkadaghan sab ang mga website nga nagpalambo sa pinulongang Binisaya. Ang kuwang na lang mao ang pagpalambo niini.

Ang buot nakong ipasabot nga dili mahitabo nga mamatay ang pinulongang Binisaya, nga ang mga Bisayista mawagtangan og agianan sa ilang mga obra maestra. Mausab lang ang mga pamaagi apan dili mahanaw ang pinulongang Binisaya ug mga Bisayista.

–Candido O. Wenceslao, Nobyembre 27, 2007

2 Responses to Kaugmaon sa mga Bisayista

  1. Nalipay kaayo ko sa pagkabasa ko niini. Nagdugang kini sa akong kadasig isip usa ka Bisayista. Hugot ang akong pagtoo “dili mahanaw ang pinulongang Binisaya ug mga Bisayista”. Ania pa ako nga mao pay paggitib. Aduna pay daghan nga mosunod samtang anaa ang mga maayong magsusulat nga padayon sa paggiya sa mga “bata” pa sa pagsulat gamit ang pulong Binisaya.

  2. angelnjuly says:

    Usa usab ako sa kanhiay nagsunod sa mga istorya ug sugilanon sa Bisaya komiks niadton dekada 80. unsao maning gipadako matng mahiligon nga mubasa ug maygamayng kaikag sa pagsulat bisan dili gani kaayo tanto. Ug matuod nalipay kaayo ko ug dako niining pagbbasa ko sa imong mga blog. Bisayist sad ko. Hehehe

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: