Daghang Bisdak

Pwerte gyud ning mga Bisdak, da. Bisan sa Internet, dali ra kaayo magkapundok.

Gamay pa baya ang nasulod aning akong blog nga mga artikulo ug sinuwat nga Binisaya, pero nindot na ang reaksyon sa ubang mga Bisaya, labina gyod Cebuano. Morag ganahan man lang sad ta mobutang og dugang mga mugna aning akong blog.

Ang balak nga Burger Steak wa pa na nako ma-publish. Diri ra gyod na ninyo mabasa sa akong blog. Pero duna na koy sinuwat nga mubong sugilanon nga nigawas sa Sun.Star Weekend. Sagdi lang kay ako tong pangitaon unya akong i-post dinhi.

Naa sad koy mubong sugilanon nga Binisaya gihapon akong gi-submit dihang niapil ko sa Faigao writer’s workshop. Maayo baya ang reaksyon sa mga kritiko ato. Bahin tog gubat, akong kinutlo sa panahon nga didto pa kos bukid.

Ug ang labing importante kadtong akong mubong sugilanon nga nidaug sa ikatulong ganti sa Palanca awards. Ang titulo ato, “Mga Langgam-langgam.” Ha-hay. Nalimtan na man lang to nako, uy. Basta kay ako lagi tong i-post dinhi para lang sa mga Bisayang bumabasa.

Usa sa nakadapit sa akong pagtagad ang giingon ni Mike Ligalig Ortega, usa sa mga ni-comment sa Burger Steak, nga ang iyang lolo sa habig sa iyang mama taga-Argao man kuno. Ang ako bayang lolo nga Ortega sad taga-Argao said pero sayo man siya namatay maong wa kaayo mi masuod sa mga parehas niyag apelyido nga nagpuyo sa maong lungsod.

Maayo sad nga bisag tua na si Mike sa Thailand, suwat lang gihapon og mga balak nga Binisaya. Wa pa ko kaabli sa blog ni Mike pero maayo unta kun naa siyay balak nga Binol-anon. Nakapuyo ko og Bohol og usa ka tuig maong nakasinati sad ko sa sinultihan sa mga tawo labina sa Loon ug Maribojoc.

Bahin ni Princess nga gusto ipahubad ang Burger Steak ngadto sa English, sori kaayo. Gawas nga gitapulan ko (he-he), sa akong tan-aw mas makatabang kun mokunsulta na lang si Princess sa iyang mga Bisdak nga kaila. Mas makat-on pa siya sa Binisaya pinaagi ana.

Bisitahi sad diay ninyo ang ubang blog sa mga Bisdak, parehas ni “tinuod nga botbot.” Lahi sad ang iyang pamaagi sa pagsulat, medyo alegre. Wa baya na nagpasabot nga bati kay nindot sad baya ang iyang linya unya kontrolado kaayo niya ang lenggwahe.

Salamat sad sa opinyon sa ubang Bisdak parehas nilang Bitoy Abad, John Canaya, Nazmieski, azhthig, lunsayng binisaya, Jerry Gervacio ug Rowena (na hala, pag-Bislis lang sa imong pag-text, Wen, basta masabtan lang).

–Candido O. Wenceslao, July 16, 2007

7 Responses to Daghang Bisdak

  1. Rowena says:

    Makalingaw ka man kaayo🙂 Baya no, diin ba sad na gikan ang “Bisdak”? Bugkat man god kaayong litukon. Hinuon sa panahon karon panagsa ra kaayo ta makabasa ug lunsay nga binisaya. Na hala padayon sa pagsulat kay makahatag baya ka ug inspirasyon sa imong mga kalungsuranon nga “naning” kaayo ug panarbaho sa ubang nasod.

  2. Miuyon ko sa giingon ni Rowena nga sa panahon karon “panagsa ra kaayo ta makabasa ug lunsay nga binisaya.” Mao nga mapasalamaton ko nga bisan panalagsa lang, adunay mga “posts” nga susama niini. Makalingaw tinuod ang mga Bisdak. Bisan asa adunay “Bisdak”. Salamat na lang nga adunay internet kay pinaagi niini, mapadayon ang paglambo sa pinilungang Bisaya ug labi na gyud ang atong kultura.

    Nangandoy baya gyod ko (naningkamot) nga makasulat ug mga sugilanon gamit ang pinulungang Binisaya, apan kulang pa ang akong katakos. Mao nga malipay gyod ko kon aduna koy mabasa nga susama niin. Salamat sir!

    Mao nga magpaabot gyud ko nga ma-post na dinhi ang imong mga sinulat sir nga imo nang giingon sa unahan.

  3. […] mga imbitado nga banggiitang manunulat sa mga mantalaan og tigsibya sa radyo og telebisyon mao si Bong Wenceslao. Iya mi’ng gihatagan og mga punto kung unsaon pagsulat sa among opinyon kabahin sa mga […]

  4. Nick says:

    Apil Ko sa mga bisdak dire sa internet!

  5. Edward says:

    Hello!!! usa na pud ko sa bisdak nga mobatbat sa bisag unsa na lang sa gamit ang pulong nga binisaya..!!!

  6. Jetro Quiapo says:

    Hehehe…. Maayong adlaw kanatong tanan…. himo natag ug ESTORYAHANAN nga mga butang o mga angayan nga estoryahan ani nga blog…? sama sa gugma ug mga teknolohiya… sa pinulongang BISDAK. ako ang Bisdak nga taga Yati… Atangi!

  7. Then it is essential for you to understand the important things that need to be done to allow you to
    easily locate the best lock for your house. Mayonnaise – the
    actual things – is a great form implies for attain glossy hair.
    If you can’t or don’t want to pick the lock on the
    door, go back to the hallway and follow it to the next turn.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: