Cebuano o Bisaya?

Basta pinulongan na gani ang hisgutan, labi na Bisaya, daghan gyod dayon ang mokomentaryo. Parehas adtong akong gisuwat dinhi sa blog nga dunay ulohan nga “Mamatay ang Binisaya? Pag-sure Mo Uy!” Buot pasabot daghan ang nagmahal sa atong kaugalingong dila.

Pero sa di pa ko mopadayon, hisgutan ni natong lalis kun unsay angay gamiton, Cebuano o Bisaya.

Para nako kun mogamit ka og Cebuano, ang imong gipasabot ang pinulongan nga gigamit sa mayorya sa mga taga-Cebu o kang kansang kagikan taga Cebu. Kun Bisaya ang imong gamiton, mas lapad ang iyang gilangkoban kay mag-apil man ni sa ubang susamang pinulongan sama sa Bol-anon, taga-salut (south Cebu), ubp.

Kahibawo ba mo nga lain ang pinulongan sa isla sa Bantayan bisan sakop ni sa Cebu? Ug nga didto sa amo sa Camotes, ang taga lungsod sa Poro dunay sinultihan nga lahi sa taga-Tudela (nga Cebuano ang gigamit) ug sa laing lungsod nga Pilar (nga may pagka-Bol-anon na)? Ang Camotes sakop baya gihapon na sa Cebu.

Nindot paminawon ang Porohanon. Mao man gani nga kun taga-Poro magkita didto sa Amerika, mag-Porohanon dayon. May sagol Surigaonon (and ilang “bagol” kay “bagoy”). Naa sad silay “z” (ang ilang “bata” kay “puza” nga morag gikan sa pulong nga “puya” nga pasabot bata gihapon).

Pero balik ta. Maong ganahan ko nga mogamit sa Bisaya kay sa Cebuano kay dili ko gusto nga malimitahan. Duna ra bay namasangil sa Cebu nga duna say imperyalistang hilig. Ato lang ingnon nga ang Cebuano maoy dominanteng klase sa pinulongang Bisaya.

Bitaw. Ganahan baya unta ko mosuwat og dugang Bisaya nga mga lindog aning akong blog, pero naa man sad goy gustong mobasa sa atong mga opinyon ginamit ang pinulongang Ingles. Maong ako lang ning gisagol-sagol. Padayon lang mo pagsunod aning akong blog kay mag Binisaya lagi ko usahay.

–Candido O. Wenceslao, Mayo 24, 2007

5 Responses to Cebuano o Bisaya?

  1. Jerry G. Gervacio says:

    Daghang salamat sa paghisgut ninini. Para sab nako, mas maayo nga gamiton ang “Bisaya” kay sa Cebuano tungod kay ang “Bisaya” naglangkub man usab kini sa mga atua sa Mindanao diin daghan usab ang naggamit sa pinulungang Bisaya.

  2. Rowena says:

    Sharing Jerry’s thoughts about “Bisaya”. Bitaw lisod baya gyod hinuon nga gamiton ang insaktong binisaya. Karon kasagaran man nga ma mixed ug English. Na hala…

  3. ahhh bahalag unsa basta binisaya hehehehe

    ang bisaya,
    pilosopo pero romantiko
    gahi og dila pero paspas motila
    dako’g tiyan pero pirming utgan
    hehehehe

    haaay naku, himaya santa krus giduphan gibugkos..

  4. Nasvin says:

    Cebuano o Sinugbuanon? Bisaya?

    Para nako, ato usang ilhon kung unsa kining pinulungan nga Sugbuanon usa kita mugamit niini. Kung maghisgot na man gud ta ug Bisaya, sakto nga kini nagalangkob sa mga pinulungan sa Kabisayaan ug ubang bahin sa Mindanao. Apan unsa man gyud diay ni’ng Sinugbuanon? Unsa may nakalahi ani sa Binisaya. Ang ako lang punto dinhi nga mahibaw-an nato kung unsa gyud nang Sinugbuanon aron nga atong mahatagan ug distinction gikan sa ubang pinulungan nga nalangkob na sa pulong Binisaya.

  5. George says:

    Para lang ako. K0n m0ing0n ta nga bisaya naglakip sa mga tao napuyo sa katibuk-ang visayas(visayan) il0ngo man waray ug bisan unsang pinulungan. However, because of migration over time, a large part of Mindanao (from Zamboanga up to northern Mindanao and down to Davao and Cotabato) is now largely populated by Visayans. Thus, it is not uncommon for people from Mindanao to call themselves “Visayan, ang gusto ko mas maayo pa nga tawg0n kini nato ug cebuano kay ang word nga bisaya gitamay pag ayo sa mga taga luzon. Ang bisaya daw 2nd class citizen. Ug ang daghan ka madungan nga discrimination. BISAYA KAAYO KAG NAWONG!!! Mao nga cebuano para wala nay discrimination sa Pilipinas.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: