Nindot nga Ideya

Kini nikalit lang og ukiot sa akong hunahuna samtang nia ko sa Cebu Doctors Hospital nagbantay ni Edizza, ang akong asawa nga nipakatawo sa ikaduha namong anak, si Eldrick Khan, niadtong miaging Nobyembre 18.

Tutal, nagsuwat na man gyud ko og kolum nga Iningles sa Sun.Star Cebu. Maayo tingali nga kun magpagawas ko og mga pang-opinyon nga artikulo ining akong blog, sa Sinugbuhanon na lang. Mas maayo pa, di ba?

Palahi sad ba.

Usahay man gud, maghunahuna ko kun asay angayang hatagan og gibug-aton, ang mensahe ba o ang lenggwahe. Labina kay blog ni unya Internet, ang unibersal nga lenggwahe Iningles. Pero daghan man sad gyud ang mga Cebuano. Maong ako na lang ikombinar, usahay Sinugbuanon, usahay Iningles.

Bitaw, kahibawo ka nga daghan ang nalain nako adtong akong giingon sa akong kolum sa Sun.Star Cebu nga ang akong target nga magbabasa kadtong mobasa og Iningles. Duna man guy mga mensahe nga gusto nako ipaabot nila. Gusto nako i-impluwehnsya ang ilang mga hunahuna ug makumbinsir pagsunod sa akong baruganan.

Wa na magpasabot nga di ko ganahan og Sinugbuanon.

Sa pagkatinuod lang, nahimo baya kong editor sa rebolusyonaryong publikasyon nga “Pakigbisog” sa mga tuig 1981-1983 man tingali to. Sinugbuanon ang lenggwahe kay ang nag-unang target nga mambabasa kadto mang naa sa hut-ong mag-uuma ug mamumuo. Maong nabaid na sad ko ani.

Gawas pa, usa sa among mga trabaho niadto mao ang paghubad sa mga importanteng basahon sama sa Basic Party Course ngadto sa Sinugbuanon. Tiaw moy hubaron nimo ang mga teorya nga Marxista ngadto sa atong lenggwahe? Hinuon, kasagaran sa among hubaron kadto sang mga sinuwat nga gi-Tagalog na sad sa among mga kauban niadto nga taga Manila.

Timan-i sad nga ang bugtong nakong award gikan sa Palanca akong nakuha tungod sa akong sinuwat nga mubong sugilanon nga “Ang mga Langgam-Langgam. Nakakuha to sa ikatulong dapit sa kategorya nga short story sa pulong nga Sinugbuanon sa Palanca Awards 2000.

Maong kadtong nagsunod aning akong blog, paabot.

–Candido O. Wenceslao

Nobyembre 20, 2006

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: